Die aarbeispinnekopbos (Serruria aemula) is 'n blomdraende struik wat tot die genus Serruria behoort en deel van die fynbos vorm. Die plant is endemies aan die Wes-Kaap, waar dit voorkom op die Kaapse Vlakte vanaf Kaapstad tot by Firgrove. Die struik is regop en word slegs 50 cm hoog en dra blomme van Julie tot Oktober.
| Aarbeispinnekopbos | |
|---|---|
| Wetenskaplike klassifikasie | |
| Koninkryk: | |
| (geen rang): | |
| (geen rang): | |
| Orde: | |
| Familie: | |
| Genus: | |
| Spesie: | S. aemula |
| Binomiale naam | |
| Serruria aemula Salisb. ex Knight, (1809) | |
| Sinonieme | |
|
Vuur vernietig die plant maar die sade oorleef. Twee maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is eenslagtig. Bestuiwing vind plaas deur die werking van insekte. Die plant groei hoofsaaklik in sand op hoogtes van 0 - 70 m.
In Engels staan dit as die Strawberry Spiderhead bekend.
Een van die plant se subspesies Serruria aemula congesta het uitgesterf as gevolg van die druk van menslike verstedeliking. Dit was ook voorheen bekend as Serruria ciliata.