Die Kleinmondspinnekopbos (Serruria adscendens) is 'n blomdraende struik wat tot die genus Serruria behoort en deel van die fynbos vorm. Die plant is endemies aan die Wes-Kaap, waar dit voorkom in die Hottentots-Hollandberge, Groenlandberg en Kleinrivierberge. Die struik groei regop, word slegs een meter hoog en dra blomme van Julie tot Oktober.
| Kleinmondspinnekopbos | |
|---|---|
| Wetenskaplike klassifikasie | |
| Koninkryk: | |
| (geen rang): | |
| (geen rang): | |
| Orde: | |
| Familie: | |
| Genus: | |
| Spesie: | S. adscendens |
| Binomiale naam | |
| Serruria adscendens (Lam.) R.Br. | |
| Sinonieme | |
|
Die afgelope 60 jaar het die plant reeds 27% van sy habitat verloor weens voorstedelike ontwikkeling, die aanlê van gholfbane en wingerde asook die verbouing van proteas.
'n Brand vernietig die plant maar die sade oorleef. Twee maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is eenslagtig. Bestuiwing vind plaas deur die werking van insekte. Die plant groei hoofsaaklik in sandsteengrond op hoogtes van 0 - 950 m.
In Engels staan dit as die Kleinmond spiderhead bekend.