Die Oezbekistanse Sosialistiese Sowjetrepubliek (Oezbekies: Ўзбекистон Совет Социалистик Республикаси, Ozbekiston Sovet Sotsialistik Respublikasi; Russies: Узбекская Советская Социалистическая Республика, Oezbekskaja Sowetskaja Sotsialistitsjeskaja Respoeblika), ook bekend as die Oezbekistanse SSR, Oezbekistan of Oesbekistan, was een van die republieke van die Sowjetunie.
| |||
| Volkslied: Internasionale Volkslied van die Sowjetunie | |||
| Hoofstad | Samarkand (1924–1930) Tasjkent (1930–1991) | ||
| Grootste stad | |||
| Amptelike tale | Russies, Oezbekies | ||
| Regering | Sosialisties | ||
| Onafhanklikheid Bestaan Van Tot | 27 Oktober 1924 26 Desember 1991 | ||
| Oppervlakte - Totaal - Water (%) | 447 400 km2 (5de in USSR) | ||
| Bevolking - 1989-skatting - Digtheid | 19 906 000 (3de in USSR) 44,5 / km2 | ||
| Geldeenheid | roebel (RUB) | ||
| Tydsone - Somertyd | +5 tot +7 (UTC) + (UTC) | ||
| Internet-TLD | .su | ||
| Skakelkode | + |
Die Oezbekistanse Sosialistiese Sowjetrepubliek het op 27 Oktober 1924 tot stand gekom. Die Tadjikistanse OSSR het ook eers deel van Oezbekistan uitgemaak – tot dit in 1929 die Tadjikistanse Sosialistiese Sowjetrepubliek geword het. ’n Jaar later is Oezbekistan se hoofstad van Samarkand na Tasjkent geskuif. Waarskynlik in ’n poging om die Kazachstanse Sosialistiese Sowjetrepubliek te verswak, is die Karakalpakse OSSR in 1936 van dié gebied geskei en deel van Oezbekistan gemaak. Ná die Tweede Wêreldoorlog is nog verskeie gebiede tussen die twee republieke rondgeskuif.
Op 1 September 1991 is die Oezbekistanse SSR hernoem tot die Republiek van Oezbekistan, maar dit het amptelik deel van die Sowjetunie gebly tot op 26 Desember 1991.