Facebook is die wêreld se grootste en aktiefste sosiale netwerkwebwerf. Teen Oktober 2012 het dit meer as een miljard gebruikers gehad, en meer as die helfte van hulle gebruik die mobiele weergawe van die webblad. Facebook is in meer as twintig tale beskikbaar, waaronder Afrikaans. Die gebruik van Facebook is gratis. Nadat 'n gebruiker geregistreer is mag hy 'n persoonlike profiel skep, ander mense bevriend en boodskappe uitwissel. Daar is ook 'n reeks toepassings, soos byvoorbeeld speletjies of nuusartikels, waarvoor 'n gebruiker kan inteken. Facebook het beweer dat dit meer as 2,3 miljard maandelikse aktiewe gebruikers teen Desember 2018 gehad het.
| Tipe | Aandelemaatskappy |
|---|---|
| Gestig | 4 Februarie 2004 |
| Hoofkantoor | Menlo Park, Kalifornië, Verenigde State |
| Sleutelpersone | Mark Zuckerberg (Voorsitter en uitvoerende hoof) Sheryl Sandberg (hoofbedryfsbeampte) |
| Gebied bedien | Wêreldwyd, behalwe vir afkeurende lande (2005–hede) |
| Industrie | Internet |
| Produkte | Gemeenskapswebwerf |
| Inkomste | $27,638 miljard (2016) |
| Bedryfsinkomste | $12,427 miljard (2016) |
| Netto inkomste | $10,217 miljard (2016) |
| Werknemers | 17 048 (2016) |
| Dogter- maatskappye | Instagram Messenger Oculus VR |
| Webwerf | www.facebook.com |
Geskiedenis
| Tipe webblad | Sosialenetwerkdiens |
| Taal(e) | Veeltalig |
| Registrasie | Vereis |
| Eienaar | Facebook, Inc. |
| Opgerig | 4 Februarie 2004 |
| Huidige status | Aktief |
| URL |
Die eerste weergawe van Facebook was bekend as The Facebook en is op 4 Februarie 2004 van stapel gestuur. Die huidige uitvoerende direkteur van Facebook is Mark Zuckerberg en hy was destyds een van die medestigters gewees.
Aanvanklik was lidmaatskap tot slegs studente aan die Harvard-universiteit beskikbaar. Binne die eerste twee maande nadat die projek begin is, is die lidmaatskap tot ander universiteite, soos die Boston College, Boston Universiteit en die MIT, in die Boston-area, uitgebrei. Alle Ivy League-universiteite het terselfdertyd ook toegang tot lidmaatskap verkry.
Gedurende die daaropvolgende jaar is verskeie indiwiduele universiteite ook toegang tot die netwerk gebied. Langsamerhand was dit vir enige persoon wat 'n Amerikaanse kollege of universiteit .edu e-posadres gehad het, moontlik om by die netwerk aan te sluit. Daar was ook 'n aparte netwerk wat spesifiek vir Amerikaanse hoërskole geskep is.
Sedert 11 September 2006 kan enigiemand met 'n geldige e-posadres by Facebook aansluit, solank die persoon aan die ouderdomsvoorskrifte van die webwerf voldoen. Gebruikers van die diens kan kies om by een of meer subnetwerke aan te sluit, soos 'n hoërskool, werk, of geografiese gebied.
Groei
| Datum | Aantal aktiewe gebruikers |
|---|---|
| Desember 2004 | 1 miljoen |
| Desember 2005 | 5,5 miljoen |
| Desember 2006 | 12 miljoen |
| April 2007 | 20 miljoen |
| Oktober 2007 | 50 miljoen |
| Augustus 2008 | 100 miljoen |
| Januarie 2009 | 150 miljoen |
| Februarie 2009 | 175 miljoen |
| April 2009 | 200 miljoen |
| Julie 2009 | 250 miljoen |
| September 2009 | 300 miljoen |
| Desember 2009 | 350 miljoen |
| Februarie 2010 | 400 miljoen |
| Julie 2010 | 500 miljoen |
| Desember 2010 | 600 miljoen |
| Januarie 2011 | 650 miljoen |
| Februarie 2011 | 680 miljoen |
| April 2011 | 700 miljoen |
| Julie 2011 | 750 miljoen |
| Januarie 2012 | 900 miljoen |
| 4 Oktober 2012 | 1 miljard |
Verwysings
- ↑ "10-K Annual Report". SEC Filings (in Engels). Google. 28 Januarie 2017. vanaf die oorspronklike op 12 September 2017. Besoek op 19 April 2017.
- (en) "Company Info | Facebook Newsroom". Facebook. 2 Februarie 2017. Besoek op 19 April 2017.
- Kazeniac, Andy (9 Februarie 2009). . Compete Pulse blog (in Japannees). Geargiveer vanaf die oorspronklike op 1 Maart 2020. Besoek op 17 Februarie 2009.
- Sengupta, Somini (14 Mei 2012). "Facebook's Prospects May Rest on Trove of Data". The New York Times (in Engels). vanaf die oorspronklike op 9 Oktober 2019. Besoek op 15 Mei 2012.
- Gebel, Meira. "In 15 years Facebook has amassed 2.3 billion users — more than followers of Christianity". Business Insider (in Engels). vanaf die oorspronklike op 9 Oktober 2019.
- "Facebook: The Newest Fad in Marketing". Thinkubator: Facebook, the latest fad in marketing. Geargiveer vanaf die oorspronklike (HTML) op 2012-07-15. Besoek op 2007-07-25.
- Facebook krijgt elke dag 700.000 nieuwe profielen bij, hln.be
Eksterne skakels
| Wikimedia Commons bevat media in verband met Facebook. |