Charimkotan (Russies: Харимкотан; Japannees: 春牟古丹島, Harimukotan-tō of Harumukotan-tō of Karinkotan-tō) is 'n onbewoonde vulkaniese eiland naby die noordelike eindpunt van die Koerile-argipel in die See van Ochotsk, noordwestelike Stille Oseaan.
| Charimkotan | |
|---|---|
| Eiland van die Koerile | |
Winter op Charimkotan. | |
| Ligging | See van Ochotsk |
| Plaaslike naam | Харимкотан 春牟古丹島 |
| Argipel | Koerile |
| Oppervlakte | 68 km2 |
| Lengte | 12 km |
| Breedte | 8 km |
| Hoogste punt | Pik Sewergin |
| Hoogte | 1 145 m |
| Land | Rusland |
| Deelgebied | Sachalin-oblast |
| Bevolking | 0 |
Die eiland val in die Sachalin-oblast van Rusland. Die naam kom van die inheemse taal Ainoe en beteken “plek van baie cardiocrinums”.
Charimkotan is rofweg ovaal en het 'n oppervlakte van 68 km2. Die eiland se landskap is taamlik uiteenlopend, maar 'n groot deel is bedek met 'n fyn, geel as wat soos woestynduine lyk. Aan die noordwestelike kaap is die ruïnes van 'n Ainoedorpie en aan die noordekant, aan die kus van Sewerginbaai, is die ou nedersetting Sewerino.
Charimkotan word deur die Sesde Straat van die Koerile van Onekotan geskei, wat 15 km noordoos lê, en deur die Straat van Sewergin van Sjiasjkotan, 29 km suidwes daarvan. Daar is geen gerieflike ankerplekke nie.
Die eiland bestaan uit 'n rustende stratovulkaan, Pik Sewergin (Russies: влк. Севергина; Japannees: 春牟古丹岳; Harikotan-dake), wat 1 157 m bo die seevlak uitrys. Die laaste vulkaanuitbarsting was in 1933, toe as tot by Paramoesjir getrek het. Die ineenstorting van die vulkaan se keël het 'n puinstorting veroorsaak; dit het weer 'n tsoenami tot gevolg gehad wat twee mense op Pamamoesjir se dood veroorsaak het.
Verwysings wysig
- "International Kuril Island Project（IKIP）". University of Washington Fish Collection or the respective authors. Geargiveer vanaf die oorspronklike op 2013-07-23. Besoek op 2010-05-23.
Skakels wysig
- Wikimedia Commons het meer media in die kategorie Charimkotan.
- Hierdie artikel is in sy geheel of gedeeltelik uit die Engelse Wikipedia vertaal.