Hell's Angels (rolprent)

Hell's Angels is 'n 1930 Amerikaanse pre-Kode onafhanklike epiese oorlogsfilm geregisseer en vervaardig deur Howard Hughes en as dialoogregiseur James Whale. Dit is geskryf deur Harry Behn en Howard Estabrook en met Ben Lyon, James Hall en Jean Harlow in die hoofrolle, en is deur United Artists vrygestel. Dit volg twee verskillende broers, albei lede van die Britse Royal Flying Corps tydens die Eerste Wêreldoorlog.

Plakkaat vir die Amerikaanse film Hell's Angels (1930).

Die film is oorspronklik as 'n stilfilm geskiet, maar dit was nog onvoltooid na 'n jaar en 'n half, teen daardie tyd het The Jazz Singer sy première gehad, wat die begin van die klankera aandui. Hughes het sy film na klank omgeskakel. Die oorspronklike vroulike hoofrol, die Noors-Amerikaanse Greta Nissen, moes weens haar aksent vervang word. Harlow het 'n groot ster geword as haar opvolger. Die produksie het drie jaar geduur (1927–1930) en Hughes het geen onkoste ontsien nie, maar ondanks die feit dat dit daardie jaar die mees winsgewende rolprent was en een van die hoogste inkomste van die vroeë klankera, kon sy buitensporige koste van $2,8 miljoen (gelykstaande aan $45 miljoen in 2021) nie verhaal word nie.

Hughes en vlieënier Harry Parry het baie van die toertjies vir die luggevegtonele ontwerp. Toe Paul Mantz, die vernaamste toertjievlieënier, vir Hughes meedeel dat 'n toertjie in die laaste toneel te gevaarlik was, het Hughes self die vliegtuig geloods, maar neergestort; hy het skedelbreuk opgedoen en moes ook 'n gesigoperasie ondergaan. Drie toertjievlieëniers en 'n werktuigkundige is tydens verfilming in ongelukke dood.

Die meeste van die beeldmateriaal is swart-en-wit, maar daar is verskeie eenkleur-getinte tonele vir dramatiese effek, soos 'n nagtelike gevegstoneel; deelskerm volkleur vir die vlamme wat 'n Duitse Zeppelin verteer; en volskerm volkleur vir een episode, wat die enigste kleurmateriaal van Harlow se loopbaan is.

Ten spyte van al die probleme, word dit vandag beskou as 'n landmerk van vroeë klank- en kleurgebruik, en van die epiese aksiefilmgenre.

Bibliografie

• Balio, Tino. United Artists: The Company Built by the Stars. Madison, Wisconsin: University of Wisconsin Press, 2009. ISBN 978-0-299-23004-3.
• Barlett, Donald L. and James B. Steele. Empire: The Life, Legend and Madness of Howard Hughes. New York: W.W. Norton & Company, 1979. ISBN 0-393-07513-3, republished in 2004 as Howard Hughes: His Life and Madness.
• Baxter, John. Stanley Kubrick. New York: Da Capo Press, 1997. ISBN 978-0-7867-0485-9.
• Brown, Peter Harry and Pat H. Broeske. Howard Hughes: The Untold Story. New York: Penguin Books, 1996. ISBN 0-525-93785-4.
• Budiansky, Stephen. Air Power. London: Penguin Group, 2004. ISBN 978-0-670-03285-3.
• Curtis, James. James Whale: A New World of Gods and Monsters. Boston: Faber and Faber, 1998. ISBN 0-571-19285-8.
• Dolan, Edward F. Jr. Hollywood Goes to War. London: Bison Books, 1985. ISBN 0-86124-229-7.
• Eyman, Scott. The Speed of Sound: Hollywood and the Talkie Revolution, 1926–1930. New York: Simon & Schuster, 1997. ISBN 978-0-684-81162-8.
• Farmer, James H. "Howard & Hell's Angels". Air Classics',' Volume 26, Number 12, December 1990.
• Hardwick, Jack and Ed Schnepf. "A Viewer's Guide to Aviation Movies". The Making of the Great Aviation Films, General Aviation Series, Volume 2, 1989.
• Orriss, Bruce. When Hollywood Ruled the Skies: The Aviation Film Classics of World War II. Hawthorne, California: Aero Associates Inc., 1984. ISBN 0-9613088-0-X.
• Osborne, Robert. 65 Years of the Oscar: The Official History of the Academy Awards London: Abbeville Press, 1994. ISBN 1-55859-715-8.
• "Production of 'Hell's Angels' Cost the Lives of Three Aviators." Syracuse Herald, December 28, 1930, p. 59.
• Robertson, Patrick. Film Facts. New York: Billboard Books, 2001. ISBN 0-8230-7943-0.